Neymar "PSJ"dan ketishiga ishora qildi

Neymar tez orada "PSJ"ni tark etishi mumkin. Mundo Deportivo jurnalistlari 31 yoshli braziliyalik o'zining ijtimoiy tarmoqdagi profilidan klubi haqidagi ma'lumotlarni olib tashlaganiga e'tibor qaratishdi. Avvalroq, u erda Neymar "PSJ" futbolchisi ekanligi aytilgandi.

So'nggi ma'lumotlarga ko'ra, Neymar yana "Barselona" futbolchisiga aylanishi mumkin. Kataloniya klubi uchun braziliyalik futbolchi 2013-2017 yillarda o'ynagan va 222 million evro evaziga "PSJ"ga o'tgan.

Eslatib o'tamiz, nufuzli Transfermarkt portali ekspertlari Neymarni 60 million evroga baholamoqda.