Uoker shartnomani uzaytirish niyatida emasligi haqida rahbariyatni ogohlantirdi

"Manchester Siti" himoyachisi Kayl Uoker o'z klubi rahbariyatiga jamoa bilan shartnomasini uzaytirmoqchi emasligini aytdi. Eslatib o'tamiz, 33 yoshli angliyalik futbolchining amaldagi shartnomasi kelasi mavsum oxirida yakuniga etadi.

Jurnalist Sem Lining yozishicha, Uoker nihoyat "Manchester Siti" bilan shartnomasini uzaytirish imkoniyatidan voz kechgan. Angliyalik futbolchi allaqachon "Bavariya" bilan ikki yillik shartnoma shartlarini kelishib olgan.

Manbaning xabar berishicha, Yaponiyadagi mavsumoldi turne doirasidagi yuzma-yuz uchrashuv chog'ida tomonlar muntazam muzokaralar olib borishgan, biroq kelishuvga erisha olmagan. “Bavariya” hali ham Uoker uchun talab qilinadigan 15 million evroni to'lamoqchi emas.