Pochettino: "Liverpul" bilan o'yinga atigi ikki hafta qoldi, ammo bahona izlamaymiz"

"Chelsi" bosh murabbiyi Maurisio Pochettino mavsum boshlanishi oldidan o'z fikrlari bilan o'rtoqlashdi.

13 avgust kuni “ko'klar” Angliya Premer-ligasining birinchi turida “Liverpul”ni qabul qiladi.

“Mavsum oldidan eng muhimi natija emas, balki hissiyotdir. Ko'pchilik uchun hamma narsa yangi, o'yinchilarda bo'lajak mavsumda o'z o'rinlariga loyiqmi yoki yo'qligini ko'rsatish imkoniyati bor edi va buni uddalashdi.

"Liverpul" bilan o'yinga ikki hafta qoldi. Hech qanday bahona bo'lishi mumkin emas. Chempionat siz optimal formaga kirguningizcha kutmaydi", - dedi Pochettino.