"Chelsi" "Yuventus"ni tezroq qaror chiqarishga undadi

"Chelsi" "Yuventus" bilan hujumchi Romelu Lukakuni sotib olish borasida muzokaralar olib bormoqda.

"Inter" futbolchini qaytarish qaroridan voz kechgach Turin klubi belgiyalik futbolchiga asosiy da'vogar bo'lib qolmoqda.

Insayder Alfredo Pedullaning so'zlariga ko'ra, payshanba kuni "Chelsi" va "Yuventus" vakillari Lukaku ishi bo'yicha yangi yig'ilish o'tkazishgan va "ko'klar" vakillari "keksa sinyora"ning xo'jayinlaridan imkon qadar tezroq yakuniy qaror qabul qilishni so'rashgan. "Yuventus" agar Dushan Vlaxovich sotilsa, 30 yoshli hujumchi bilan shartnoma imzolashga tayyor.

Romelu Lukakuga Saudiyaning "Al-Hilol" klubi ham qiziqish bildirmoqda, ammo futbolchining o'zi faoliyatini Evropada davom ettirishni afzal ko'rmoqda.