Verratti "Al-Hilol" bilan 3 yillik shartnoma imzolaydi

"Pari Sen-Jermen" yarim himoyachisi Marko Verratti va "Al-Hilol" uch yillik shartnoma imzolaydi, deya xabar beradi insayder Fabritsio Romano.

Uning so'zlariga ko'ra, muzokaralar ilg'or bosqichda. O'tish haqida tez orada e'lon qilinadi.

Verratti 2012 yildan beri "PSJ"da o'ynab kelmoqda. Uning parijliklar bilan amaldagi shartnomasi 2026 yilgacha mo'ljallangan.

30 yoshli italiyalik o'tgan mavsumda klub safida 38 ta o'yinda maydonga tushib, 1 ta golli uzatmani amalga oshirgan.