"PSJ"ga qiziqish bildirayotgan "Barsa"ning 4 nafar futbolchisi 285 million evroga baholanmoqda. Ularni Mbappega almashtirish mumkin

Diario Sport xabariga ko'ra, "PSJ" Kilian Mbappe evaziga "Barsa"ning to'rt nafar futbolchisini olmoqchi. Ro'yxatga Gavi, Usmon Dembele, Jyul Kunde va Frenki de Yong kiritilgan.

"PSJ" Mbappe evaziga "Barselona"ning 4 nafar futbolchisini olmoqchi Transfermarkt ma'lumotlariga ko'ra, barcha 4 futbolchining bozor bahosi 285 million evroni tashkil qiladi.

"PSJ"ning yangi bosh murabbiyi Luis Enrike Gavining ashaddiy muxlisi va bu yosh futbolchini o'z yarimhimoyasida ko'rishni istaydi. Bugungi kunga kelib Gavining narxi 90 million evroni tashkil qiladi. Ammo "Barsa"da uning 1 milliard evro evaziga qo'yib yuborish bandi bor.

"Barsa" bitta o'yinchi evaziga to'rtta futbolchidan voz kechishga rozi bo'lmasa kerak. Bu Mbappe maydonda nima qilishidan qat'i nazar, jamoaning tayanchini nihoyatda zaiflashtiradi va ularni muhim sohalarda himoyasiz qoldiradi.