Keyn "PSJ"ga o'tish variantini rad etmoqda

"Tottenxem" hujumchisi Xarri Keyn "PSJ"ga o'tish niyatida emas.

Shartnomasi kelasi yili tugaydigan angliyalik hujumchi uchun kurashni "PSJ" va "Bavariya" olib bormoqda, "Tottenxem" esa o'z yulduzini sotishdan manfaatdor emas. Jurnalist Mett Louning so'zlariga ko'ra, Keynning o'zi allaqachon variantlardan biridan voz kechgan — u Parij klubiga o'tishni istamayapti. 29 yoshli futbolchi agar oxir-oqibat "shporlar"ni tark etishiga ruxsat berilsa, "Bavariya"ga o'tishni afzal ko'radi.

Transfermarkt ekspertlari Xarri Keynning narxini 90 million evroga baholamoqda. Futbolchi londonliklar safida 435 o'yinda 280 ta gol urgan.