Adriano: "Mourino tufayli "Siti", "Chelsi" va "Real"ga o'tmay, "Inter"da qolganman"

"Inter"ning sobiq hujumchisi Adriano faoliyatiga Joze Mourinoning ta'siri haqida gapirdi.

"Mourino "Inter"ga kelgan vaqtda "Manchester Siti"ga o'tmoqchi bo'lib turgan edim, ammo u mendan qolishimni va taslim bo'lmasligimni so'radi. U meni o'z jamoasida ko'rishni xohlagandi va men bilan ko'p suhbatlashar edi. O'sha vaqtlarda "Siti"dan tashqari "Chelsi"ga ham o'tishim mumkin edi, ammo "Inter"ni tanlagandim. Bir necha oy o'tib, meni "Real" ham so'ragan, ammo buni ham rad etgandim", - eslaydi Adriano.

Adriano "Inter"da 2001 dan 2009 yilgacha o'ynagan, vaqti-vaqti bilan ijaraga berilgan.