"Milan"ning transfer ro'yxatidan joy olgan futbolchilar ma'lum bo'ldi

Insayder Janluka di Martsioning rasmiy sayti xabariga ko'ra, uch nafar futbolchi "Milan" rahbariyatining transferlar ro'yxatidan joy olgan.

Manba bergan xabarga ko'ra, "rossonerilar" Teyani Reynders ("AZ Alkmaar"), Arno Dandjuma ("Vilyarreal") hamda Mexdi Taremi ("Portu")ni o'z safiga qo'shib olishga harakat qilib ko'radi.

Eslatib o'tamiz, joriy transfer oynasida "Milan" safiga amerikalik vinger Kristian Pulishich kelib qo'shildi. U Londonning "Chelsi" jamoasidan ko'chib o'tdi.

Italiya chempionatining so'nggi mavsumida “rossonerilar” turnir jadvalida to'rtinchi o'rinni egallashdi.