PSV "Ayaks" tarbiyalanuvchisini transfer qildi

PSV "Bryugge" vingeri Noa Lang shartnoma imzoladi, deya xabar beradi insayder Fabritsio Romano. Shartnoma 2028 yilning yoziga qadar amal qiladi.

24 yoshli niderlandiyalik futbolchi "Ayaks" akademiyasi tarbiyalanuvchisi bo'lib, u asosiy tarkibda 14ta o'yin o'tkazib, 4ta gol urgan.

Lang 2020 yildan beri "Bryugge"da to'p suradi. U Belgiya klubi safida 125 ta o'yinda maydonga tushib, 38 ta gol urgan va 34 ta golli uzatmani amalga oshirgan.

Transfermarkt portali futbolchining narxini 15 million evroga baholamoqda.