Kilian Mbappe “Real”ga o'tsa, chap qanot hujumidan boshqa istalgan nuqtada o'ynashi mumkin bo'ladi
/ Kiritdi: BestMaster Ko'rilgan: 87
“PSJ” hujumchisi Kilian Mbappe “Real”ga o'tsa, chap qanotdan boshqa istalgan nuqtada to'p surishi mumkin bo'ladi.
AS nashrining xabariga ko'ra, Madrid klubi Vinisius Juniorning jamoadagi o'rnini hurmat qiladi. Shu sababdan “qaymoqranglilar” Mbappe bilan shartnoma imzolasa, chap qanot hujumidan boshqa istalgan nuqtada o'ynashi mumkin bo'ladi, u pozitsiya Vinisius Junior uchun ajratilgan.
2022 yilning kuzida braziliyalik futbolchi “Real” bilan 2027 yilga qadar mo'ljallangan shartnoma imzolagani ma'lum bo'lgandi. Vinisiusning tovon puli 1 milliard evro etib belgilangan. Biroq “Real” ushbu bitimni rasman e'lon qilmagan.
Vinisius Junior 2022/23 yilgi mavsum La Ligada 33 ta o'yinda ishtirok etib, 10 ta gol va 9 ta golli uzatmaga mualliflik qilgan.
Ma'lumot uchun, madridliklar Kilian Mbappe uchun 200+20 million evro taklif qilgan, biroq parijliklar 250+50 million evro talab qilgandi. Angliyaning “Liverpul” klubi ham frantsiyalik futbolchi uchun kurashga kirishgani xabar qilingandi.