Sanjar Rashidov: «Osiyo Kubogida milliy terma jamoamizga omad tilaymiz!»

Xabaringiz bor, ayni kunlarda O'zbekiston milliy terma jamoasi Turkiyaning Antaliya shahrida Osiyo Kubogi bahslariga tayyorgarlik ko'rmoqda.  Ushbu katta musobaqa  oldidan “So'g'diyona” jamoasi sardori Sanjar Rashidov o'z fikrlarini bildirib, milliy terma jamoamizga  omad tiladi.

"Milliy terma jamoamiz BAAda bo'lib o'tadigan Osiyo Kubogida yaxshi natijalarga erishib, o'zbek xalqini xursand qila oladi, degan umiddaman. Kuchli mutaxassis qo'l ostida futbolchilarimiz albatta o'z oldilariga quyilgan vazifalarga erishishiga ishonamiz. Musobaqa oldidan “So'g'diyona” futbol klubi a'zolari nomidan milliy terma jamoamizga omad tilaymiz.

Biz sizlarga ishonamiz va doimo  qo'llab-quvvatlaymiz!" -deydi “So'g'diyona” jamoasi sardori, O'zbekiston milliy terma jamoasi hujumchisi Sardor Rashidovning ukasi Sanjar Rashidov.