Ravshan Haydarov: «Bir jahatni inobatga olmaganda Argentinadan qolishmadik»
/ Kiritdi: BestMaster Ko'rilgan: 41
O'zbekiston yoshlar terma jamoasi bosh murabbiyi Ravshan Haydarov Argentinaga qarshi bo'lib o'tgan uchrashuv (1:2) borasida o'z fikrlari bilan o'rtoqlashdi.
"O'yin qiziqarli o'tdi. Muxlislarga yoqadigan jangovar o'yin bo'ldi. O'yin tempi yuqori bo'ldi, deb o'ylayman. O'yinni olib borish va vaziyatlar yaratish bo'yicha munosib harakat qildik. Bu borada Argentinadan hech qanday kam joyimiz yo'q.
Faqat vaziyatlardan foydalanishda, so'nggi nuqtani qo'yishda mahoratimiz biroz etishmadi. Argentina o'z imkoniyatlaridan foydalanib ketgan bo'lsa, biz shunday vaziyatlarni golga aylantira olmadik, afsuski. Yigitlarning o'yinidan xursandman, ularga rahmat aytaman. Keyinga o'yinga tayyorgarlikni boshlaymiz", — dedi Ravshan Haydarov.