"Manchester Siti" APLda 11 o'yindan buyon faqat g'alaba qozonib kelmoqda

Angliya Premer-ligasining 36-turi doirasidagi “Everton”ni mag'lub etgan (3:0) “Manchester Siti” Angliya oliy divizionidagi g'alabali seriyasini 11 o'yinga etkazdi.

Shon Daych jamoasi ustidan qozonilgan g'alaba “shaharliklar”ning Angliya Premer-ligasidagi ketma-ket 11-g'alabasi bo'ldi. Qolaversa, barcha musobaqalarni inobatga oladigan bo'lsak, "Manchester Siti" 22 uchrashuvda mag'lubiyatga uchramagan.

Pep Gvardiola shogirdlari oxirgi marta fevral oyi boshida APLning 22-turi doirasidagi o'yinda safarda “Tottenxem”dan mag'lub bo'lgandi (0:1). Fevraldan maygacha bo'lgan davrda "Man Siti" 18 uchrashuvda g'alaba qozongan va yana to'rtta uchrashuvda durang qayd etgan.

“Shaharliklar” navbatdagi o'yinini Manchesterdagi “Etihad” stadionida Chempionlar ligasi yarim finalida “Real”ga qarshi o'tkazadi. Bu jamoalar o'rtasidagi birinchi o'yin 1:1 hisobida durang bilan yakunlangan edi.