Rahim G'ofurov: «Vaziyatlardan foydalana olmaslik pand berdi»

U-21 Birinchiligining 8-turi doirasida “Navbahor” yoshlar jamoasi “Paxtakor” mehmoni bo'lib, 1:3 hisobida mag'lubiyatga uchradi. Biz mazkur uchrashuvdan so'ng, yoshlar jamoamiz ustozi Rahim G'ofurovdan qisqacha intervyu olib, mag'lubiyat sababini bilishga intildik. Uning fikrlari esa quyidagicha bo'ldi:

Aslida yigitlar yaxshi o'yin namoyish etishdi. Ammo birinchi bo'limda 6 daqiqa ichida 2 ta to'p o'tkazib yuborishimiz shogirdlarimga salbiy ta'sir o'tkazdi. Tanaffusdan so'ng, futbolchilar vaziyatni o'nglashga intilishdi. Biroq mezbonlar standart vaziyatdan yana bir marta unumli tarzda foydalanib, hisobni yiriklashtirishdi. Bu esa vazifamizni yanada qiyinlashtirdi. Shunday bo'lsa-da, yigitlar uchrashuv yakuniga qadar, hisobni o'zgartirishga intilib, bitta gol urishga muvaffaq bo'lishdi.

Shuningdek, mazkur bahsda yuzaga kelgan vaziyatlardan samarali tarzda foydalana olmaslik ham shogirdlarimga pand berdi. Ushbu o'yinning tahlil qilib, bu kamchiliklarni bartaraf etishga intilamiz.

“Navbahor” PFK matbuot xizmati.